由於我既身份敏感關係,所以唔方便公開姓名,請見諒!
喺經過咁多風風雨雨之後,我實在對桌總某人既所作所為睇唔過眼,所以喺上個禮拜已經向有關部門舉報.事先聲明,如果唔係迫不得已,實在唔會行到呢一步.
喺今年之前,我一直同T君有合作關係,喺合作既初頭,T君礙於身份特殊既關係,所有數目、錢銀交易都清清楚楚.但由上年年尾開始,T君竟然向我提出以較高價錢向本人買貨,條件係要求收取同差額同等金額既回佣,由於係刑事罪行,所以我一口拒絕.而喺呢件事之後,我哋既合作關係亦都終止咗.
本來終止合作只係一件等閒事,但係呢位T先生喺外間一直言語攻擊本人,令本人聲譽受損.喺明查暗訪之下,本人終於明白總會搞到一鑊粥既來龍去脈.原來連同03-04年在內,總會既財政報告近呢兩年都冇交過出嚟,據其他朋友透露,原來T君由於生意唔順利既關係令到經濟陷入困境,有部份總會既經費,亦都因為咁樣不翼而飛.
本來呢個只係T君同某員工知道既秘密,無意之間俾C君知道咗,而呢樣嘢亦都成為咗C君要脅T君既把抦.所以近期總會雖然有好多唔合理既做法,但係我可以話俾大家聽,T君只係為勢所逼,而C君亦都趁呢個機會排除異己.
好多人唔明白究竟T君點解遲遲唔肯開周年大會,其實原因好簡單,由於冇辦法交到一份合理既財政報告出嚟,所以深知自己會落台既T君,一直都喺度諗辦法籌錢填氹,即使要冒收律師信俾人告既危險,佢都務求一直拖落去.
或者個天真係有眼,近排T君同C君都各懷鬼胎,諗盡方法用對方做替死鬼,某員工亦都有棄暗投明既打算,籠裏雞作反係必然既事.所以大家唔使推測咁多,即使11月25號呢個仝人大會再次改期,相信香港既法律都唔會俾呢班人逍遙法外,希望香港桌球壇可以喺不久既將來重見天日!
|
|
人在做,天在看!
Posted - 30.10.2005 : 09:00:20
