|
91916800
初哥級
Hong Kong
Posts 34 |
 Posted - 16.05.2007 : 01:27:05
|
|
話說年半自己在廸仕桌球窒打波 , 入面有個snooker-League 會歡迎各界Brother參加比賽 , 我就打了兩界個人聯及一界隊制賽 , 最初搞手 Sxm哥好落力叫我打比賽 , 於是我就參加了個人聯 , 中途話冇人打隊制加了我個名上去 , 所以無可奈何便打了 . 當時我為了方便問 Sxm哥有冇位可以放支Cue係度, 他一口答應 , 於是放了兩支Cue ( John Parris & Konda ) , 打了一界後大家都嘅好關係 , 有次見我部新相機影得好問我借 , 一借便兩個星期 ,反正一星期打幾次打波 , 算了吧 !及後話可以幫我放 Cue 咁我又放多支 Cue (O’Min ), 但往後有一段八個月時間冇去打波又記起話啲 Cue要放所以冇取回 , 有次落去見到自己支 John Parris Cue 放係波枱底覺得奇便問點解 , 答案係有人睇 , 最初不為意的 , 及後先知原來有人冇帶 Cue 他就做好人借我支Cue比人用 , 真係得……..於是當晚就問返佢借咗半年有多都未還嘅 18” Butt Extension還得未 , 但他答我唔知借咗比邊個 , 如果找不到便買返支比我 , 過了三星期他真的買返支比我 , 咁 ! 我支原裝呢 ???? 事件已發生在過年前的 , 但到我年初三同朋友落去打波打開個盒支 Extension 又唔見咗 , 當時念都係 Sxm哥借了去而且是新年期間就冇追究 , 到了過咗新年就打比 Sxm 哥問支 Extension 還得未 , 但他說比返我之後就冇借過 , 而且過年前搬了新場便沒有上迪仕 , 咁放係櫃個支 Konda Cue同盒入面支 Extension咪比人偷咗 , 點算呀 ?但他答應幫我揾 , 之後都係每星期打一次電話比佢問情况 , 期間我就落迪仕問有什麼人會開到櫃取 Cue , 發現致有snooker-League成員先可以開櫃 , 而且是經常落去打波嘅會員先得 , 咁唧係熟人偷 , 了解咗之後便問 Sxm 哥點處理 , 佢語氣就非常差 , 話我好X煩 , 當 Cue櫃係儲物櫃呀 ! 試吓幫你揾啦 ! 收線???????? 心想唔見嘢已經係流血啦 !重要比人話煩 !! 呢啲主持人成幾十歲人一啲修養都冇 ! 之後跟住又等了兩星期 , 最後在三月尾去新場找他念住當面問佢佢會應真處理 , 到見到面時 , 話唔得閒等吓先 , 到坐底傾時點知佢嘅態度同語氣同啲小小小人冇分別 , 先前見佢對住其它會員就四萬咁口 , 但對住我就講粗口 , 到尾重行開唔 So 我 , 我呆等了一會 ,等到火都來 , 於是呼唔等佢便去另一個新場揾 Dxxxxil叔主持正義啦 ! 見到面當然問佢會點處理 , 講了一論廢話之後 , 佢話 ( 唔見咗嘢咪報警囉 , 重複講了幾次報警找差人攪 ) , 當時真係嬲到唔出得聲 , 心念過了兩過月先叫我去報警 , 當我白痴 , 於是攞返啲 Cue 回家 , 免得再比人偷 , 到現呢刻所為主持人連一個電話都冇 , 完全係不知所為 ! 經過今次教訓之後見到了表面正仁君子其實原來係小人 !
|
Edited by - 91916800 on 16.05.2007 18:45:47 |
|
|
onyee
中校級會員
Hong Kong
Posts 1259 |
Posted - 16.05.2007 : 02:14:43
|
睇匣A篇野....我都唔知可以講咩好....
下次小心D啦.... 
============================================
ｏ○ｏ
║\≠/]
└═..┘只 想 變 得 更 強!!`★ |
 |
|
|
L C
初青會員
Hong Kong
Posts 276 |
Posted - 16.05.2007 : 23:38:37
|
白生，小弟都有少少感受，最赤既就係唔見咗自已既 Dream Cue，雖然我唔知呢支係咪？
因為最近小弟個 locker key 唔見咗，唔係自已絛 key，而係波樓既 Master Key，仲驚！唔見咗 2 星期至知，好彩小弟嗰幾支英國 Ｑ 啱啱攞走咗！得支 1 pc O'min 係櫃。幸寶不失！但已經攪到我支 Ｑ 要攞出擺入成個月，十幾次到！
最慶就係話我哋整唔見！唔見 Master Key 好似係櫃主既責任咁，仲話你覺得唔穩陣咪自己買個二十元鎖仔換囉！屎都滚晒！隔咗 2 星期，第二個主任話幫我攪掂，又好禮貌！
而家成屋都係 Ｑ，都唔敢放咁多係櫃，好彩呢排天氣好啲！
LC
~ 打黑柴時變小雲 - 好緊張呀！好緊張呀！ |
|
|
|
91916800
初哥級
Hong Kong
Posts 34 |
Posted - 17.05.2007 : 22:20:34
|
quote:白生，小弟都有少少感受，最赤既就係唔見咗自已既 Dream Cue，雖然我唔知呢支係咪？
因為最近小弟個 locker key 唔見咗，唔係自已絛 key，而係波樓既 Master Key，仲驚！唔見咗 2 星期至知，好彩小弟嗰幾支英國 Ｑ 啱啱攞走咗！得支 1 pc O'min 係櫃。幸寶不失！但已經攪到我支 Ｑ 要攞出擺入成個月，十幾次到！
最慶就係話我哋整唔見！唔見 Master Key 好似係櫃主既責任咁，仲話你覺得唔穩陣咪自己買個二十元鎖仔換囉！屎都滚晒！隔咗 2 星期，第二個主任話幫我攪掂，又好禮貌！
而家成屋都係 Ｑ，都唔敢放咁多係櫃，好彩呢排天氣好啲！
LC
~ 打黑柴時變小雲 - 好緊張呀！好緊張呀！
Originally posted by L C
|
其實唔見嘢真係會好唔開心 , 直得珍貴係學到嘢 ! 損失嘅咪當跌咗同交吓學費. |
|
|
|
EricYan
初青會員
Posts 51 |
Posted - 17.05.2007 : 23:43:57
|
好彩你支jp冇事ja,如果唔係就真係大件事.....
(我有咩做得唔好,打得唔好,請各位多多提點)
特別嗚謝:城城,denny,ryan,食神,larry對我既指點和幫助 |
|
|
|
danielwallace
初青會員
Posts 51 |
Posted - 18.05.2007 : 02:42:44
|
斷章取義, 自圓其說.
對於白頭兄, 蕭煥貴先生的文章多番自相矛盾作出回應:
本人唔係Dxxxxil叔, 我係Daniel Ng 行不改名, 坐不改姓, Wallace 係紀念我的桌球師傅 – Ian Wallace, 於蘇格蘭1982-1983年教我打桌球的師傅.
1. 任何比賽, 攪手都會十分落力叫人參加比賽, 阿SAM叫你參加, 有什麼問題?
2. 你參與了個人聯後, 再叫你打隊制聯賽, 並不是隊伍無人打才加你名上去, 而是多一個機會與會員增加感情. 你可以選擇唔打. 且看個人聯有很多無參與隊制比賽的會員便完全推翻你的說法- 無可奈何….真可笑..
3. 當時所有參與會內比賽的球手均為了方便, 會問阿SAm有冇位可以放支Cue係度, 他都會答應, 不是蕭煥貴先生ONLY. 又有什麼問題,
4. 打咗一屆後, 關係當然促進, 而本人除打桌球外, 亦與君多次於新蒲崗的茶餐廳飲下午茶, 沒有打波, 閒話家常, 而且甚為關心尊夫人的健康, 因她體弱, 要多次進出醫院. 而現在更關心你的精神狀態.
5. 至於借相機更加可笑, 我Daniel Ng當時用CASIO細機, 照片質素不滿意, 而本人與君已成朋友, 而你帶了你的Panasonic Lumix 落迪士, 還教我用相機的方法, ( 甚為受用, 直至今天 ) 見到你的相機後, 我問你借了3至4次, 除咗我想在選擇購買1部新相機時, 可以實質地試用, 而本人幾拾歲人仍然係赤子之心, 全無機心, 與1位朋友借相機, 有什麼大不了. 最後我十分滿意這款相機, 所以就自己買了1部, 而當日便即時與君分享這部新相機的更強設備. 若果未買, 可能仍然會向你借機. 至於借咗幾耐, 唔記得, 2 至 4星期當然有, 因為你當我係Friend, 自己唔需要用時便由我用, 這些細節仍然在心, 唔通你當時同我唔熟都借相機比我, 還教我多項技巧, 還十分之放心地讓我用多個星期, 同你做朋友, 認真慨嘆.
6. 至於阿SAM叫你放售你支CUE, 定係你要求阿SAM幫忙放售你支JOHN PARRISＣＵＥ， 不用多說， 若個個會員打波， 阿ＳＡＭ都問佢放唔放支ＣＵＥ， 就應真唔得閒，．．[朋友,我打得好好地, 為什麼要我賣Q, 你係唔係傻傻地呀..HAＨＡ] 打打吓波比人咁問就真係天方夜譚． 而我仍然記得當日你要求幫忙放售這支CUE時所要求的價錢甚高， 連Extension及cue盒． 我跟阿ｓａｍ講， 無可能賣得出， 因為貴過２手Ｑ．ｃｏｍ的Ｊｏｈｎ． 不過物主話事．
7. 會員有Cue嘅，均會帶支Cue來打比賽， 而一些未有Cue或覺得支old cue should have a change的朋友就會問阿ｓａｍ 有無好ｃｕｅ介紹, 阿sam 就當然會攞Ｄ John呀, Master呀, 及O’min等等的Cue比人試, (唔係做好人, 係做生意, 做Service, 期間亦有多宗交易, 唯太貴的賣唔到 ) 其間有D打咗全局, 並不出奇, 如果你話你支cue只可以睇, 唔可以比人打, 請講明先． 以君之Ｓｔｙｌｅ 請講明可以打幾多次， 每次幾多分鐘，可唔可以打低Ｑ， 因為恐防你又話比人打到粒Tip側埋一邊. 又話這, 又話那, 次次事後至講, 認真難服侍.
8. 個支18”Extension 是阿SAM的教訓, 我當日知道阿SAM比咗支Extension阿白頭, 就已經指出錯誤, 因為唔見支Extension的責任並非要阿sam100%負責, 因為有很多會員習慣打完波自己唔鎖支Cue, 全部要阿sam或當晚收銀去鎖. 而白頭亦係其中一個, 有時自己攞咗支Cue出去, 阿sam又唔知, 到發覺唔見嘢就問阿sam, 問波樓, 認真不公平. 而阿sam只是以朋友身份, 比支Extension白頭用. 當然再唔見時又話要阿sam負責就佛都有火.
9. 至於你支Konda Cue, 我就唔清楚, 只是要你比多D時間去搵, 因為支Cue實在太….啦, 而你就日日追, 在隊制開波8時左右仍然喋喋不休, 而當時又無頭緒, 唯有叫你報警, 到而家都係, 至於話你煩, 我至親嘅人咁樣做事, 到而家我都會話佢煩. ( 煩者- 當在不適當的時候做一些不恰當的行為而對事情沒有任何幫助 ), 若果君唔見咗支Cue 而波樓及本會仍未搵到, 而你又唔比多d時間, 除咗報警, 請問可以點做. 因為任何說話及行動均成為你所說的廢話.
10. 至於你話無打電話比你, 其實當晚已經找到1支可能係你講個支Cue, 因為有個會員(羅華)用緊1支不知名嘅Q, 話係第2個會員借比佢嘅, 而第2個會員又無經第3者借到Cue比佢. 而當晚我就在這位會員及他的隊長面前, 打電話比你, 但是你無聽電話, 當然你唔聽電話, 我無理由再繼續打攪你, 一不留神, 你又話支Q咁平, 唔駛我勞駕, 咁咪好無引.
11. 哪 哪 哪, 你,蕭煥貴先生又係度罵街.
12. 其實本人係唔係君子, 自有定論. 但係本人肯定在你眼內不是君子, 因為小人眼內無君子, 夏蟲又豈可語冰.
13. 希望汝能明白, 責己寬人, 是為君子之道. 寬己責人, 緊係入魔之道. 請立刻將自己提升, 每個人均有長處, 短處. 欣賞多一些別人的長處, 這個世界實在美好得多. 人生於世, 匆匆幾十年寒暑, 你活得快樂嗎? 你在追求什麼呢, 停下來, 想想吧. 再不能平靜下來, 就請一些弟兄姊妹幫忙吧…
Daniel Ng – Snooker-league.com 主持人上
|
|
|
|
KDR
初哥級
Posts 43 |
Posted - 18.05.2007 : 22:24:30
|
唉......當買個教訓啦!我諗你而家都知道,點解要成日搬場啦,因為真係好多麻煩嘢架,喺.com度post出黎都唔係第一次啦!
|
|
|
|
|
失cue 事件溥 呼與各位小心小心
Topic Locked
