Snooker.com.hk 桌球論壇

United Athle T-Shirt, Polo, Sweatshirt And Jacket

All Forums

Snooker.com.hk 《桌球論壇》

波友吹水區

Joke

New Topic

Reply to Topic

Printer Friendly

Ransome
初青會員

Hong Kong

Posts 333

Posted - 26.03.2003 : 16:02:49

1買糖

有一日…有三個人來到一間士多想買一D野食，三人走到士多前面，士多老闆就問第一個人：「你想買D咩呢？」第一個人就話：「我想要一包糖。」士多老闆就即刻搬條梯出來，爬到倉庫就拎左一包糖俾第一個人。收錢之後，士多老闆又問第二個人：「你想買D咩？」第二個人就話喇：「我想要一包糖。」士多老闆就好嬲咁講：「你做乜唔早D講呀？頂你個肺！」但係個士多老闆都要走去搬條梯出來爬去個倉庫上面拎糖。爬梯既同時士多老闆就問第三個人：「你又係要一包糖呀？」第三個人回應話：「唔係。」士多老闆就好安心咁拎左一包糖之後就將條梯收好，賣左包糖俾第二個人之後，士多老闆就問第三個人：「咁你想買咩呀？」第三個人就講：「我想要兩包糖！」士多老闆：「$^$%&%^*%*&^($%^#…」

2可憐小兔仔

森林裡面有一隻大灰熊同埋一隻兔仔係度屙屎。
大灰熊忽然問兔仔：「你屙完屎之後介唔介意D屎黐住D毛架？」
兔仔諗左一諗就答：「咁又冇乜所謂既…」
兔仔說完後…大灰熊就即刻捉住隻兔仔用來抿屎…

3職業病

阿某係牛排店做左事應好多年。
有一日，牛排店個老闆炒左阿某。
幾日後阿某就係火葬場搵到一份工，但係做左唔夠一日又俾人炒。
阿某個朋友就問：「點解咁快俾人炒左架？」
阿某答：「我只係講錯左野之嘛…咁都炒我，真係唔底！」
阿某個朋友更加疑惑咁問：「你講錯咩呀？」
阿某好悲痛咁講：「先生，請問你要幾成熟？」

4獵熊

有一個年輕獵人來向老獵人請教點樣獵熊。

老獵人話：「D熊鐘意住係D洞裡面，我通常都係搵一個山洞，然後掟粒石仔入去，如果聽到個洞裡面有“嗚嗚”聲，咁裡面就一定有熊。你就走到洞口，向洞裡面開槍，一定可以打到熊既。」

過左幾日，老獵人去左醫院見到年輕獵人全身纏滿左繃帶，

老獵人好驚訝咁問年輕獵人：「你點解會變成咁既樣架？」年輕獵人答：「我去獵熊呀，聽你講搵到個洞，然後我向個洞裡面掟左一粒石仔入去，就聽到裡面有“嗚嗚”聲啦，我就走到洞口…但係…我重未開槍，個洞就有架火車衝左出來喇！」

5迷路的小明

小明有一日出街玩，但係玩到迷左路，於是就搵左一戶人家到要求暫住一晚，主人家就好心咁收留佢…但係只得兩間房，咁就安排小明同主人家個女住係同一間房，到左晚上，小明訓到一半，突然想對個女仔做果D野，不過個女仔就對小明講：「你唔好咁樣呀，如果唔係我就話俾我老豆聽！」小明只好放棄…訓到一半小明又突然想對個女仔“嗯嗯啊啊”，個女仔當然又係唔肯，於是個女仔又同小明講：「我真係要話俾我老豆聽呀！」咁小明只好再次放棄…但係到左最後小明真係忍唔住就直接同個女仔“嗯嗯啊啊”左…完事之後個女仔同小明講：「我想再來一次…」於是兩個人又…完事之後個女仔又同小明講：「我想再來一次…」於是小明只好又…呢次完左之後個女仔又再次同小明講：「我想再來一次啊…」呢一次小明就對個女仔講喇：「妳唔好咁樣呀，如果唔係我就話俾我老豆聽！…」

6遇上食人族

有三個人駕住車係沙漠上面奔馳，點知架車無啦啦壞左，果三個係只好落車，就係呢個時候，有一班食人族向住佢地三個人走過去。果三個人就好驚。

食人族族長就同果三個人講：「只要你地答到我問題而又有足夠原因，我就放你地走！」

三個人都齊聲答：「哦～」

食人族族長就問：「姐果俾你係呢架車度拎走一樣野，然後放你走，你會拎乜？」

第一個人就答：「我會拎走哂車上既食物，因為沙漠好難搵到食物。」

食人族族長好滿意佢既答案，所以放去左第一個人，跟住就到第二個人答…

第二個人就話：「我會拎走哂車上面既水，因為沙漠搵唔到水。」

族長同樣放了第二個人走。跟住到第三個人答…

第三個人開始慌，因為想講既都已經被之前果兩個人講左。不過第三個人諗左一陣，就胸有成竹咁講：「我會拎走度車門。」

族長有點奇怪咁問：「你拎走度車門做乜呀？」

第三個人就答：「拿！就即係咁…呢排沙漠就比較熱，咁我拎走度車門，熱既時候咪可以攪低個窗來抖下涼囉！」
族長聽完之後就即刻做低第三個人！

7巧克力奶

紐約中央公園裡面，有一個黑人媽媽係度餵緊佢出左世一個星期既BB食母乳。

遠方忽然有一對白人母子走緊過來，又坐左係度開始餵母乳，但係個白人BB死都唔肯食喎…

自然個白人BB就指住個黑人媽媽講：「媽…我要食巧克力奶…」

8裸跑日記

有個女人趁自己老公返工時偷偷同情人廝混。

有一日兩人係床上搞野，女人聽到佢自己個老公架車返來既聲，

個女人好急咁叫佢個情人：「你快D拎住你D衫褲！係個窗度跳出去啦！」
佢個情人一睇就講：「外面落緊大雨你都叫我跳出去？」
女人回答：「我老公見到你就不得了喇！」
結果個女人個情人就一跳…跳左入一群馬拉松選手裡面，佢只好一路拎住D衫，一路加入跑步裡面。
選手A問佢：「你習慣裸跑架？」
情人喘著氣咁回答：「係呀！咁樣可以感覺到風輕輕吹過我既肌膚。」

選手B又問：「你習慣拎住D衫跑步架？」
情人回答：「係呀！咁樣比賽匣痟N可以著返D衫上車返屋企呀嘛，好方便。」
選手B又問：「你成日都帶住個保險套跑步架？」
情人回答：「咁又唔係喎！只係係落雨既時候先會戴。」

9有毛蛋

雪櫃裡面有十隻蛋…

有一日，第一隻蛋唔小心偷望到第十隻蛋，佢見到第十隻蛋身上生滿哂毛，

咁第一隻蛋就同第二隻蛋講：「你睇下第十隻蛋呀，佢成身都係毛架！」

第二隻蛋就同第三隻蛋講：「你睇下第十隻蛋呀！佢成身都係毛架！好肉酸呀！」

第三隻蛋又同第四隻蛋講：「你睇下第十隻蛋呀！佢成身都係毛架！好肉酸呀！周身都係毛架佢！E…」
一直傳…傳到第九隻蛋，第九隻蛋就諗緊睇唔睇好呢？！
一望去後面就係架啦喎！…好多毛架喎！好肉酸架喎！究竟睇唔睇呢？
佢最後都決定左睇…第九隻蛋一睇…
第十隻蛋就同佢講：「啤咩呀啤？！望夠未呀？！我知你地班死蠢係到講緊我架！係度話我又多毛又肉酸呀嘛！你地班死蠢！我唔係蛋來架！我係奇異果來架！」

10水母

兩隻水母係海裡面相撞，
水母甲說：「做乜呀！你游水唔帶眼架？」
水母乙問：「眼係咩來架？」
水母甲答：「我都唔知呀，上次我撞到人既時候佢咁樣鬧我既。」
水母乙說：「哦！原來如此！」

11燒掉了

有個人打算去遠行，

於是就教個仔講：「如果有人來問『令尊呢？』，你就話『佢有D事出左去，請入去裡面飲杯茶』。」
由於佢個仔好蠢，佢唔放心，所以寫左係張紙上面避免佢個仔唔記得。
佢個仔將張紙放左係個衫袋度，不時拎出來讀。
時間已過左三日，都冇人來，阿仔心諗張紙條已經用唔著啦，於是就放火燒左佢。
第四天突然有人客來左喎！

人客問：「令尊呢？」
阿仔就係個衫袋到周圍咁搵張紙條，不過都係搵唔到，

阿仔好慌張咁講：「唔係度喇。」
人客聽完覺得好訝異，

就問：「幾時唔係到架？」
阿仔答：「沉日燒左喇！」

12隨便兩條

阿A同阿B係電線桿上下兩度修理電路。

阿A係電線桿上面大聲話：「阿B！捉住下面四條電線既其中兩條。」
阿B問：「咁邊兩條呀？」
阿A說：「隨便兩條得架啦！你搵好未呀？」
阿B答：「捉好喇！」
阿A問：「有冇覺得咩唔妥咁呀？」
阿B答：「冇啊！有什麼不對勁？」
阿A說：「咁就好喇！咁千萬唔好碰到另外果兩條電線呀，果兩條電線上面有兩萬伏特既高壓電架！」

13一夜激情之後

一夜激情之後，我起身從褲兜中掏出一支香煙，但卻找不到打火機，於是我問那女孩身邊有火嗎？

「第一個抽屜裡好像有火柴。」女孩回答。

我打開床頭櫃的抽屜，看到一個火柴盒，火柴盒的下面有一張陌生男人的照片，我覺得很奇怪，

於是好奇地問：「他是你丈夫？」

「當然不是，傻瓜！」女孩依偎在我身邊。
「那是你男朋友？」我接著問。
「不，也不是！」女孩一邊回答，一邊輕吮著我的耳朵。
「那，這會是誰？」我充滿疑惑地問。

「那就是手術之前的我。。。。。」

Dickson
隊長級會員

Hong Kong

Posts 10479

Posted - 26.03.2003 : 17:08:40

HAHAHA....."獵熊"相當好笑！

New Topic

Reply to Topic

Printer Friendly