1 United Athle T-Shirt, Polo, Sweatshirt And Jacket 1
s
會員區 | Profile | Active Topics | Members | Private Message's | Search | FAQ
 All Forums
 Snooker.com.hk 《桌球論壇》
 波友吹水區
 鬼故...敢睇嗎?		  New Topic  Reply to Topic  Printer Friendly
Author Previous Topic Topic Next Topic  

Hello
少校級會員

Hong Kong



Posts 534

 Posted - 28.05.2003 :  01:16:14  Show Profile  Send %s1% an ICQ MessageHello  Click to see %s1%'s MSN Messenger addressHello  Send %s1% a Yahoo! MessageHello Send Hello a Private Message  Reply with Quote
金鐘猛鬼戲院

今次講間戲院係位於金鐘區，一間到現在都有好多人去睇戲但有鬼戲院。

件事發生係一位清潔女工身上，每場未開始播放電影之前，佢都要清潔男廁同 女廁，等第二場觀眾有清潔廁所用。當日播完一場戲之後，時間係下午，佢如 常地工作，首先清潔女廁之後到男廁，佢拍門問有無人係入面，但無人答佢， 跟住開門入去，見到一個男人背向住佢正在作小解動作，當時佢很不好意思說：『對不起先生。』跟住關門在門口等。

一直等左成十分鐘都晤見人行出門口，但就快夠鐘開場，佢唔理得咁多拍門跟 住開門，再入去但成個男廁空無一人，佢肯定無人離開過廁所，因佢一直係門口等，之前佢見個男人衣著同平常人一樣，唔知有古怪，之後就驚到死。我朋友佢亦都係戲院職員，講番呢件事俾佢知。

*********************************************

巴士滿座

這個故事是發生在上年年中，那天晚上１１時許，我去完一個住在大埔的朋友的家後，我便搭75X巴士回家.當我一上到車，就發現車上巳坐滿乘客，於是我便走到最尾一排看看有冇位坐，但最後都沒有，於是我便想走到前面企，但當我走到前面時，就發現前排近落車位置有兩個位空了，於是我便不其然地坐下來。由於那架巴士是經吐露港再過隧道後才有站落，所以中途一定是沒有人落車。當車 到一半時，我突然發現車窗反映中的坐位是沒有人的，於是我好奇地回頭一看，赫然發現車上只餘下車尾兩個乘客，當時我真的很驚，明明上車時所有坐位都坐滿人。但當我再回想起上車時的情境，就想起之前車上坐的乘客大都是老婆婆，我越想越驚，但那時我又不能下車，因此很驚。所以巴士一到站時，我便立刻下車，這是我巴士上的經歷。

**************************************************

元 朗 圍 村 祖 屋 生 人 勿 近

以前因為屋企窮，所以搬進元朗的一個圍村住，$4500三層高，連天台地方又大，心想環境又不錯，只是業主話留在屋中的觀音畫像及祖先靈位不能搬走，初時都覺得沒關係，反正只是一牌罷了...點知...記得那時，我的房間是在三樓，剛搬進去時，常常聽到天台有腳步聲，腳步聲之中，又好似有鐵鍊拖拉的聲音，初時還以為我的衰狗亞檬唔習慣行來行去，所以都冇為意...後來屋企接二連三發生一些不如意的事，爸爸失業，後來無故患有肝病，最後過了身...而我又不知何解，身體一日比一日虛弱，明明肚餓，食物送到咀邊都食唔到，足足瘦了一圈，屋企人以為我減肥都冇理會到，但我都不知怎去解釋...而天台的腳步聲亦慢慢升級了。開始由行來行去，變成走落樓梯的聲音，每次我都聽到一步一步的落樓梯聲，最可怕的是步伐中是帶著鐵鍊拖拉的聲音！

有一次，我可以好肯定是有點『東西』的，因為我發覺我『俾鬼責』。當時我心裡驚得要命，心中默默念著媽媽教我的心經，很快我便有知覺了，而剛才的聲音，亦沒有再出現，我驚惶失措地跑到二樓找媽媽，將事情告訴她，她可能怕我再多心，所以只是說我太累所致，叫我好好休息，而我亦病了一場。

當辦好了爸爸的身後事，媽媽決定搬，當時搬得好急，我還以為媽媽怕觸景傷情，所以都冇問點解，最奇怪係臨走時，媽媽燒衣紙，係我身上掃過，又吩咐我不要回頭望，我為左安心都照做。

事情淡了之後，再問媽媽當日的事，原來爸爸過身不久，媽媽發了個怪夢，夢見一班人，其中一個人大聲地罵道『今次係你老公，下一個會係你個女，我係ｘｘｘ... 』然後媽媽就嚇醒了！她初時都只當一個惡夢，後來被她發現觀音畫像下的靈位其中一個人名，正是夢中所提及到的，再想起之後的一切巧合事情，心中一寒...而我聽後亦覺得可怕，好彩搬屋搬得早，不然我都不可以在此向大家講講我的經歷。

以後搬新屋特別是圍村，記得千其唔好貪平，連人家的祖先屋都住，因為祖先的後人唔會知道自己的先人會唔鍾意外姓人入住的，他們只懂得收錢，都沒有想過祖先的感受。

*******************************************

屯門小巴後座

我遇過很多不尋常的遭遇，這算較為深刻的一個。

小時候住在屯門區，所以通常都會搭小巴來往屯門與九龍。有次和爸爸及家姐搭當時仍只得十四個座位的『十四座』，由佐敦返屯門。當車開行了大概二十分鐘之後，家姐對我說：「好熱呀！做乜閂晒Ｄ窗？」我話：「關我咩事？後面個男人閂之嘛！」之後家姐話：「你傻左呀？我地已經坐到最後啦！後面邊有人呀？」我回頭望，只見到地拖同掃把...事發到現在已經十幾年，但我依然好清楚記得當時真係有一隻著住淺黃色恤衫的男人手，由我右邊伸前，將車窗拉埋！〈我好清楚記得佢件恤衫係有Ｄ暗花紋同袖口鈕〉到宜家，我都盡量唔會坐最後的位＞

**********************************************

深圳酒店發光綠幽靈

呢件係發生係大約9-10年前的深圳某酒店。個時我地全家一齊去旅行同埋去東門市場shopping，but因為我細個，所以媽咪無帶到我去，淨得爸爸陪我留於酒店。個時我地租左個雙人房，間房係分開兩面，一面係廳一面係房，中間就有條走廊通去廁所同門口。

當時我就坐在床上面睇電視，而爸爸就在另一張床睡覺。咁我睇睇下電視想去廁所，於是就行去啦，點知當我行入走廊時，就見到有一個好實在的黑影企係廁所門口，戴住頂帽，淨係見到對眼發出青綠的光，望住我，郁都唔郁。我成個人呆左，好驚...根住就即刻走番上床，係度念南無阿彌陀佛，好彩根住無事，嚇餐死！


http://acewallpapers.com/clipart/animals/0257.gif
堅毅既香港人，無野係可以難到我地既，大家繼續努力奮鬥呀!

Dickson
隊長級會員

Hong Kong



Posts 10479

 Posted - 28.05.2003 :  01:48:59  Show Profile  Visit %s1%'s HomepageDickson  Send %s1% an ICQ MessageDickson Send Dickson a Private Message  Reply with Quote
寫得幾好喎！不過好似戲劇情節，可能睇得多啦！
Go to Top of Page
  Previous Topic Topic Next Topic  
 New Topic  Reply to Topic  Printer Friendly
Jump To: