Snooker.com.hk 桌球論壇 - 邊個星座係大喊包...

United Athle T-Shirt, Polo, Sweatshirt And Jacket

All Forums

Snooker.com.hk 《桌球論壇》

波友吹水區

邊個星座係大喊包...

New Topic

Reply to Topic

Printer Friendly

Hello
少校級會員

Hong Kong

Posts 534

Posted - 23.09.2003 : 13:55:22

自古愛情都令人多眼淚，至於邊個係大喊包，唔使審，一定係……

第一位：雙魚座

要數大喊包，唔使問，一定係雙魚座。容易喊的程度係：睇到電視新聞報導飢民消息，都會因為同情而喊到好似悲情戲咁，收唔到聲！咁精彩的場面，只有雙魚人先可以做到。

第二位：巨蟹座

多愁善感永遠都係喊的催化劑，感情豐富又永遠都係鍾意喊的人最好的籍口！最可悲的是：無論有無外在因素，巨蟹人都可以自己搞到自己變大喊包，不分男女，咁大家記得唔好阻佢！

第三位：雙子座

雙子人通常都俾人好開心的感覺，佢會係大喊包？真係唔係好信！但其實，佢真係易喊，但放心，佢唔會因為失去一段感情而流淚，相反佢只會因為自己太叻，太厲害，太高興先會哭成淚人！

第四位：處女座

處女人剛剛相反，因為個人太敏感，反而會因為一點點外來感覺，就俾自己嚇到流淚；個人直覺又唔差，搞到成日都估到身邊甜心做過咩不忠事，當睇唔到可能係唯一解決方法！

第五位：天蠍座

好多人話天蠍人好酷，就係因為呢個誤解，所以當天蠍人一哭的時候，大家就覺得不得了！其實天蠍人都愛喊，但一定是在心愛的人面前才會表現如此軟弱一面！

第六位：獅子座

獅子人甚麼都誇，所以當他們開心的時候，會開心到大哭；當她們嬲的時候，會嬲到大哭，總之能夠達到應有的戲劇效果，他們才會肯擺休，真我個性，一定盡流露！

第七位：天秤座

天秤人不易哭，因為他們知道眼淚是應該在值得的時候才可用上！成日流淚只會令眼淚價格狂瀉，對唔住，對天秤來說，唯一會真心大哭的原因，可能是在她最愛的人面前！

第八位：金牛座

出名忍功厲害！無論怎痛怎傷，佢都會咬緊牙關，點痛都唔會喊俾你睇！除非你真係好厲害！激到佢紮紮跳，激到佢好鬼興，激到佢喊出來，否則呢個機會真係幾渺茫！

第九位：山羊座

要面的山羊點會哭於你面前？你就想喇！佢最多都係匿埋一角，然後自己靜靜地喊，喊到聽日，然後又當無事番工！如果你能夠令佢為你流一滴淚，恭喜你，你已經俘虜佢喇！

第十位：水瓶座

水瓶人會唔會易喊，相信只有佢自已先知道，有時甚至連佢自己都唔知自己係唔係鍾意喊，一句講晒！當你見到佢眼都紅埋的時候，係喊完定吹沙入眼，你問我我問邊個？

第十一位：白羊座

一個咁快忘記過去的人，點會為一件小事而喊，就算係喊，放心，過唔夠一個月，佢就已經唔記得。況且佢係開心大頭人！喊對佢來講，只會係發洩，啖氣一過，舒服晒！

第十二位：人馬座

出名樂觀的人馬人，天跌落來當被用，你叫佢喊相信比叫佢停住口笑仲難！幾唔開心，同朋友講完一次佢又會無事，咁識享受人生的人，點會俾自己浪費生命喊一場！

http://acewallpapers.com/clipart/animals/0257.gif
堅毅既香港人，無野係可以難到我地既，大家繼續努力奮鬥呀!

gold
少校級會員

China

Posts 647