|
anaconda
初哥級
Posts 3 |
 Posted - 18.09.2004 : 21:18:01
|
今次賽事的確搞得唔錯,球證亦都好有水準,只係個別人搞左D笑料出黎....
就如B.Hall兄所講,觀眾唔熄電話的確係一個存在左好耐o既問題,但其實仲有更離譜o既事發生過...
1.經常有一班同場館好似好熟o既球迷,坐o既電視機附近o個度大大聲柴自己香港球手台,又話人地咁都打唔入,「咁都叫做香港代表隊喎」,咁我又想請問一聲,講o個班仁兄又打過香港隊、著過背心恤衫打波未呢?
2.除左觀眾之外,就連場館其中一個負責人(唔係日洪)都係咁,呢位仁兄自恃自己打得下(但都應該未打過香港隊,未打過鬼佬),就o係自己場館度(間波樓佢好似有份)批評自己香港球手o既打法:「X!俾我一定咁咁咁打啦,X!都唔X明佢做乜,X$&$X%$%......」
究竟呢番說話係唔係代表主辦單位呢?如果係,不如搵呢位咁大聲o既X叔出去打好過啦,唔打得都吹得嘛!!
最後,我想再一次表揚出錢又出力o既何漢奇先生,黃日洪先生,雖然日洪都試過緊張到「哎呀」咁大叫出黎,但佢由始至終都表現得好有風度.
|
 |
|
|
bananaking
少校級會員
Hong Kong
Posts 624 |
Posted - 19.09.2004 : 00:49:15
|
小弟都有少少野想分享，平時出去睇比賽每逢有香港隊成員或者其他精英
參賽永遠都有一班人去批評呢班算係香港最top gei 球手，恕我直言呢班球手真係唔抵爭。我唔知佢地口係出面好似亞運、亞洲賽咁究竟打成點啦(雖然有獎有牌囉)因為好少機會睇到，但係佢地口係自己地頭打就真係...........
佢地gei級數同中國、泰國真係爭好遠架，甚至馬來西亞我都覺得好過佢地添.
而且香港隊到今日都依然依靠區志偉、馮國威、陳國明、陳偉麒、連騰浩，無新血咁樣終有一日就後繼無人啦！
anyway,香港隊俾心機啦! |
|
|
|
Ken Sir
少校級會員
Hong Kong
Posts 770 |
Posted - 19.09.2004 : 00:52:40
|
好多謝 anaconda 兄的意見，我看到你說得咁清楚，相信一定是落嚟捧場不少了！Thank you ！
雖然我唔知道你所講果位係邊個，但係我知道名將會咁多位負責人同幾位本港球手都係熟到不得了的老友，基本上四位球手都係佢地自巳挑選，我祇負責選外地的，所以應該不會踩自巳老友吧？
我諗都係愛之深，恨之切的因素，好似我有時見到佢地打得唔好，我都會緊張到紮紮跳！ |
|
|
|
Ken Sir
少校級會員
Hong Kong
Posts 770 |
Posted - 19.09.2004 : 01:10:13
|
bananaking 兄又係一位熱血人仕！
我都好想香港各位球手知道有咁多人緊張佢地！
雖然我地香港嘅先天因素的確不比他人，但係每個國家，每個地方都會有青黃不接的時期，好似先幾年嘅泰國，而家嘅新架坡等又唔係一樣？中國女排都捱咗 20 年啦！
所以我地成日做咁多嘢就係想推廣呢樣運動，等大家接受，各位家長接受，肯俾多啲年青人參與，咁先可以發掘到新一批接班人！ |
|
|
|
ho7777
中校級會員
Hong Kong
Posts 1498 |
Posted - 19.09.2004 : 05:19:28
|
今次比賽其實已經攪得好好(雖然本人只觀賞過一晚賽事),響大會人手不多的情況下整個比賽的流程都十分流暢,實值一讚(特別系 Ken Sir 一人分擔多個職務)。另外亦見到球証水平日漸提高,實為本港桌球界高興之事。
講番本地球手,其實佢地打得唔好實在值得體諒。大家試諗吓響香港做運動員又要?M食、又要操練,重要應付比賽壓力,身心真系非常疲憊。香港政府十分唔重視體育發展,往往要有成績先會主動撥款資助,重要系三分鐘熱度,成績一差小小又話要 cut 這 cut 那, 試問有邊樣運動項目會特別出色!!! 外國球手操練就差不多等如返工,一日可能練上5、6個小時甚至更多,就算香港球手系桌球會工作,都無可能有咁多時間操波,你估請你番黎淨系負責打波咩都唔洗做呀!
其實本人對香港球手都有D寄望,希望佢地有多D機會同不同國家 o既球手比賽,從中吸取更多經驗,一步步向上,令到其它國家對香港桌球 o既水平有一定 o既肯定。 |
|
|
|
speed
中校級會員
Hong Kong
Posts 1709 |
Posted - 19.09.2004 : 06:03:42
|
KEN SIR
唔好介意個別人士，球迷o既一知半解下不客气的批評！
我呢一二年都有留意香港隊南征北戰賽事，無論亞運，
海外邀請賽，港隊都得到相當好成謮，香港隊o係亞洲絕對係
一線強隊，所以大家除o在批評外，o係港隊出賽時用實際行動支
持港隊吧，抽時間現場觀戰支持，咁就very good！！！！！
  |
Edited by - speed on 26.12.2004 00:07:01 |
|
|
|
speed
中校級會員
Hong Kong
Posts 1709 |
Posted - 19.09.2004 : 09:48:50
|
KEN SIR
sina網對(名將國際盃)一篇緦結精彩報導：
新浪體育訊 曆時6天的2004“名將杯”國際台球邀請賽昨日在香港名將桌球會落下帷幕，最終來自泰國年僅20歲的小將卡查王以6：3戰胜世界排名第32位的威爾士選手多米尼克—戴爾，贏得冠軍，戴爾屈居亞軍。在1/4決賽中，來自北京的龐衛國1：4不敵卡查王，而蔡劍忠則以2：4負于另一位泰國選手曼斯。
15日的半決賽，卡查王以5：4戰胜了愛爾蘭小將邁克—艾倫，而戴爾則以5：2輕取泰國選手曼斯。昨日的決賽采用11局6胜制，開局泰國小將卡查王發揮出色，成功壓制了戴爾的強大火力，取得2：0領先。隨后雙方各胜1局，比分變成3：1。此時，戴爾突然發力連追2局，在中場休息前將比分扳成3：3平。休息后，戴爾的表現有些不盡如人意，而年輕氣胜的卡查王則是越戰越勇，一鼓作氣連下三城，6：3結束戰斗贏得冠軍獎杯。獲得亞軍的戴爾微笑著上前握手祝賀，紳士風度，盡顯無疑。
綜觀整場比賽，領先后被實力強大的戴爾追平卡查王並沒有背負心理包袱，反而發揮更加出色，充分體現了卡查王綜合素質的實力。卡查王最近已多次戰胜各國強手，在今年7月的紅牛杯個人賽中就是他淘汰了奪冠呼聲最高的丁俊暉，而本次比賽半決賽5：4打敗了今年歐洲公開賽的冠軍得主邁克—艾倫，最后更是戰胜了本次比賽的奪冠熱門球手戴爾，所以這雖是卡查王近几年第一個國際賽事的冠軍，但他的實力已經有目共睹。基本功的扎實，進攻的犀利，心理素質的穩定再加上20歲的年齡，卡查王已經成為泰國新一代球員的領軍人物，如此出色的潛質另其有望成為明日之星。
在進入本次比賽8強后，來自北京的龐衛國、蔡劍忠與香港本地球手馮國威、陳國明均未能有所突破，最終分列5至8名。憑借小組賽中的一杆112分，愛爾蘭小將邁克—艾倫獲得了本次比賽的單杆最高分獎。
由前香港冠軍何漢奇和黃日洪先生出資贊助的本次大賽圓滿落幕了，各國球手在這短暫的一周里切磋了球技，增進了友誼，香港的球迷如此近距離欣賞了球員們的精彩技藝，也過了一把癮。(任浩江)
:92> :92> :92> |
|
|
|
Ken Sir
少校級會員
Hong Kong
Posts 770 |
Posted - 19.09.2004 : 15:25:51
|
大佬 John，再一次多謝報料！雖然我在sina找不到這些材料，但在 top147 網站也可以看到同樣的報導，也是由中國桌球記者任浩江撰寫的。
我絕對不會介意別人的批評，祇要是善意的，我都會樂於聆聽及接受，因為自巳一個人有時無可能全部都識，全部都對哂，況且我真心想知道大眾的睇法，以後才可以辦好啲！
可以透露多少消息俾大家知，通過今次的比賽，而經收到不少的迴響，大陸方面已經有人問我點樣辦同樣的賽事，也考慮下次可不可以搞多站式的比賽，例如同一批球手連續在香港、深圳、廣州..........等站作賽，成本平咗，球手勝出和獎金也多咗，主要是賽事規模也大得多！不過這暫時祇是初步構想。
另外亞洲有些國家見到原來亞洲球手也可以戰勝歐洲、甚至高排名的職業球手，而家已經有國家提出舉辦一個亞洲國家巡迴賽，香港當然是其中一站了！
這些就是我一直努力的期望，我總認為一定要有人不計個人利益及短暫回報，才可以推動到整體運動的推廣！ |
|
|
|
bananaking
少校級會員
Hong Kong
Posts 624 |
Posted - 19.09.2004 : 17:10:41
|
speed佬你見過咁多中國球手打波，你覺得香港球手同佢地比有咩意見呀？
ken sir 我都知有青黃不接呢個時候，但係你認為重要幾耐先接到班呢？
|
|
|
|
Ken Sir
少校級會員
Hong Kong
Posts 770 |
Posted - 19.09.2004 : 18:57:01
|
bananaking 兄：似乎你對香港球手完全無哂信心？
我同意我地的確是有人材補充上的問題，但也不是到了世界末日的情況。
今年我地都透過舉辦青年賽發掘新秀，在停了幾年後今年也再派他們參加了世青和亞青賽，雖然成績不太理想，但我們己踏出了人材培訓的第一步。
但如果你問佢地幾時先接到班？我睇你這個問題有點不設實際，好似你問奧蘇李雲今年贏唔嬴到世界冠軍咁，邊個可以答到你？
有時付出了努力也不是保証有成績的，一項賽事咁多國家去爭一個冠軍，大家都有付出辛勤，最後能得勝有多少人？但你總不能抹殺其他沒得獎球員的努力！
也許你沒留意，馮國威，連騰浩、區志偉他們這兩年在國際賽成績也很不錯，經常都打進前列，阿威仲係亞洲賽攞季軍，紅牛盃攞亞軍添！ |
|
|
|
anaconda
初哥級
Posts 3 |
Posted - 19.09.2004 : 19:40:16
|
的而且確幾位香港球手o係外地o既成績係好過香港,點解?可能係第二度比賽氣氛好,冇人柴台,加上班球手冇乜牽掛啦.
要知道球手都係人,都有自己工作,都要食飯,要埋怨佢地打得唔好o既時候,請問話佢地o既人有冇諗過人地辛苦練波,放棄其他娛樂o既時候,你地自己o係邊度、玩緊咩呢?掉轉係你,你又可唔可以付出咁多時間、承受咁大壓力?
可能香港就係太多人只顧住自己,乜野都係識諗自己,又唔諗下自己乜野都冇做過,淨係識得話「香港青黃不接,同大陸、泰國水準差好遠,甚至連新加坡都不及」,問「咁究竟幾時可以解決青黃不接問題」同埋打下波叫做支持桌球運動,當正自己推動緊桌運,香港o既桌球先至會停滯不停之嘛。
簡單講句,桌總搞公開賽、精英選拔賽,有幾多得把聲o既人唔敢參加丫?點解?「都唔夠人打....」、「冇時間囉...」、「要搵食嘛....」
一句講晒,香港桌球搞到咁,所有批評過但得把口o既人(包括我在內)都應該要負責任。 |
|
|
|
ddrIII
中校級會員
Posts 1113 |
Posted - 19.09.2004 : 23:29:01
|
小弟的愚見, 認為就算球圈團結球迷支持, 都係難搞, 香港政府就算重視體育, 桌球都係擺到好後. 而且拎香港球手同中泰印等等亞洲國家比, 亦係冇得講.
好似中國小暉, 梁文博, 今次名將盃冠軍加查旺, 印度艾雲尼果d, 佢地係十零廿歲呀, 但係佢地條路係一早預左要去打職業. 相反香港十零廿歲既一係讀緊書一係剛剛做野, 根本就完全冇辦法. 林浩然同江文豪係世青賽其實作為香港代表已經交出成績, 佢地唔係人地國家果d10歲左右已經諗住第日打職業桌球, 一直受住有系統訓練既靚仔.
Ken Sir所提到搞個小型巡迴賽的可能性當然是有的, 特別是亞洲, 唔係110sport都唔會舉行歐亞大師賽, 因為在亞洲辦桌球賽事點都有號召力同埋有助推廣桌球(呢樣野只有世界桌總自己唔知), 時間都大約是這個時候, 因為在職業球季舉行中搞這種賽事不大可行, 相反現在這個時間剛好球手們都準備開始新職業球季, 搞這種賽事對佢地來說係好好既季前熱身賽(問下Mark Allen Gary Wilson Dominic Dale就知), 而且對鬼佬來說又可當作是遊一遊亞洲, 一舉兩得, 所以搞小型幾站式巡迴賽, 並非不可行. |
|
|
|
speed
中校級會員
Hong Kong
Posts 1709 |
Posted - 20.09.2004 : 01:49:49
|
[updated:LAST EDITED ON Sep-20-04 AT 02:13 AM (GMT)]Bananaking兄
今晚返中更関係，而家至睇見你嘅post，中國因為有見國內越來越多青少年有系统地參予桌球運動，為咗青少年球手有實戰經驗，在2002年開始舉辦極具規模全國青少年桌球大賽，這幾年培養出如丁俊輝，田鵬飛，梁文博，肖國楝，于德陸，李行等無數出色青少年球手，所以中國的桌球運動前景相當樂觀！
中國一隊球手：如丁俊輝，金龙，蔡劍忠，梁文博，田鵬飛與香港一隊球手：如傳家俊，馮國威，區志偉，連騰浩，陳國明係近幾年亞運，國內外個人或隊際賽互有勝負，不相伯仲。
今年元旦期間在東莞東英俱樂部舉辦(丁俊輝挑戰賽[獎金五萬圓])全国各地好手齊集東英與香港馮國威，區志偉，連騰浩，陳國明经多天連場大戰，馮國威同區志偉打敗國內無數好手，獲取挑戰丁俊輝席位，最終區志偉與中國秦舸擊敗小丁一同分享五萬圓獎金。所以香港桌球在亞洲的實力可見一班，但新秀就要加把勁努力，保持香港桌球强隊地位！！！！！
|
|
|
|
SnookerFreak
初青會員
Hong Kong
Posts 424 |
Posted - 21.09.2004 : 15:21:30
|
雖然我知道"科林"一定會講呢個賽事，但今日先有時間坐底睇下講咩野。好開心亦好意外今次有機會可以做球証，真係在這裡要再一次多謝許sir、黃日洪先生及何漢奇先生比呢個機會我。
另外要多謝speed兄及oldman兄既讚賞，同埋Ransome兄同我影相。唔講太多多謝既說話啦，因為太多人要多謝啦...
我自己在呢個比賽真係學識左好多野。老實講，我自己在整個比賽只有一場波我完全覺得自己冇犯錯。其他場次我總有些出錯(特別係報分)，幸好我冇唔記得球例亦差不多馬上知道自己犯錯。其實我好努力去專心，但有時實在太大意。我諗好多人都唔信，但係我每場比賽開始時都感到小小驚。有時我覺得壓力比自己比賽時更大。
今次賽事好開心可以mark到過百，又mark過職業球員，但最surprise肯定就係判左Dominic Dale因為三cue Foul and Miss輸一盤（我諗當時許sir好擔心我會唔會唔記得warn佢）。雖然有好多犯錯令自己知道未夠班做一個好球証，但今次比賽後我做左個總結，希望如果再有機會做球証可以做得好d;-)
今個比賽都算幾多人睇，即使兩點的賽事都只有兩天比較小觀眾，總括黎講入坐率都合格吧。雖然賽事得到幾好既feedback，不過我相信賽會及許sir都會希望聽多d人既意見，下次可以再做好d。
|
|
|
|
B.Hall
上校級會員
Hong Kong
Posts 3471 |
Posted - 21.09.2004 : 16:44:41
|
當Dominic Dale連foul兩cue後，我都驚你唔記得warn佢，不過原來係白擔心一場。
反而覺得你最失誤的一次乃係以為Mark Allen一隻近波紅波打唔中而foul佢，但其實佢係有打中並向你指出該波已打成touching，而你只係宣佈touching而無發覺自己判錯，要佢再同你解釋你先至醒起自己搞錯，改判佢無foul。
不過，總括來講，田中兄你做得真係幾好，尤其係英語方面，比好多香港球證優勝！ |
|
|
|
bananaking
少校級會員
Hong Kong
Posts 624 |
Posted - 21.09.2004 : 21:24:34
|
|
ken sir 我只係問下你個人意見je! |
|
|
|
bananaking
少校級會員
Hong Kong
Posts 624 |
Posted - 21.09.2004 : 21:49:15
|
anaconda兄，好明顯你呢段野係同緊我講，我好直接架。有得罪gei就唔好意思啦!打字都幾辛苦我都唔想長篇大論啦!
唔關事架，每樣野都會有一班得把口gei 人架啦，反而佢地好重要tim wor!唔係邊度係一個社會呀?
無人批評佢，唔通次次佢地打比賽我地都拍爛手掌大聲高呼好波?永遠都要有挫折先會有進步，問題係咩時候去鬧je，當然佢地打緊比賽時候去做d咁gei事我都認為唔arm la!
重有你明唔明白一場足球比賽足球員同球迷gei分別?你明gei話就會知我想講乜啦!
其實我都覺得我gei想法係無人認同，不過唔講唔舒服請原諒!
:33> |
|
|
|
SnookerFreak
初青會員
Hong Kong
Posts 424 |
Posted - 23.09.2004 : 18:49:21
|
多謝B.Hall贊賞，其實我d英文都只係普通，現在香港好多人都勒勒聲。我在澳洲住左十年，平時去街市買餸同d鬼佬講價所以淨係學識講d數目字架咋。
其實今次我連英文都有出錯。我在比賽前有問過d泰國、印度球手佢地d名點讀。點知原來我中途發現冇問既Mark Allen個姓原來係"鴉倫"唔係"Alan"。 
其實今次賽事出左好多好多錯。我覺得我比歐亞賽的球証出錯更多。如果當日係我做歐亞，可能我真係會冇曬信心。
B.Hall兄你所講的只係其中一個。其實嗰球波再比我睇多次我都可能會call foul，因為我真係一d都睇唔到個紅波有郁。但我覺得事後我睇到係touching ball應該醒水話sorry not a foul shot...點知我仲傻下傻下咁 
其實我估到佢嗰cue係會咁打所以我盡量企得近，我見佢遢cue而隻紅波冇郁過就嗌foul...但比賽後連對面枱個marker都話見到隻紅波郁，真係唔通鬼黯眼...不過下次唯有再企近d啦。
今次我做錯既野兩張A4紙都寫唔曬，如果有人想知或者有興趣第日做球証的話，下次見到我再講啦，因為打到手軟啦... 不過如果有咩覺得小第做得唔好，希望你可以話比我知，謝謝 :) |
|
|
|
Jimmy Koo
少校級會員
Posts 683 |
Posted - 23.09.2004 : 23:33:51
|
|
田中，我都有睇個兩場波，我就覺得你已經做得非常好o勒！第二場就更加•••因為你重「纖體」埋先出場。haha.... |
|
|
|
keith yau
中校級會員
Hong Kong
Posts 1545 |
Posted - 24.09.2004 : 10:21:21
|
|
仲做埋 " 彩光 " 添呀... ha ha ~~ |
|
|
名將國際盃
