Snooker.com.hk 桌球論壇 - 起薪點HK$23000，有興趣嗎？

United Athle T-Shirt, Polo, Sweatshirt And Jacket

All Forums

Snooker.com.hk 《桌球論壇》

波友吹水區

起薪點HK$23000，有興趣嗎？

New Topic

Reply to Topic

Printer Friendly

bananaking
少校級會員

Hong Kong

Posts 624

Posted - 03.06.2005 : 15:56:37

起薪點HK$23000，有興趣嗎？

死人化妝入行條件及需知

要入殯儀這行不難，但這行強調的；並不是你有沒有膽或驚唔驚！的的確確；死人化妝這一行薪金非常可觀；正如一個「學師仔」即使他的起薪點亦已經有$23000。這一行亦無年齡、性別、經驗限制！是否很吸引？..........見仁見志吧！

不過你係需要具備特別「條件」至能夠勝任！！而所為「條件」即係你本身五行各方面夠不夠正氣同殺氣！至於師傅樣如何知道你有沒有「條件」？？師傅是有種「另類應徵」方法。各位有意「應徵」的話....請考慮清楚！！！

首先師傅會安排你在停屍間，而停屍間裏當然會有件「好企理的咸魚」等緊你！停屍間內好細，房內祇有你、咸魚、一盞油燈、一張椅和一部冷氣。其它欠奉請自便！

師傅會安排三日琪A！這三日你祗需坐響呢間房；坐既時間係每日由黃昏約6:30至凌晨12:30不等！

在停屍間中；你基本上是不需要做甚麼，師傅純粹要你齋坐響度對住這咸魚幾個小時！其間師傅祇會間中入內看看你，你不可以期望師傅會企響度同閒談，因為師傅藉此考驗你定力同忍耐力（當然期間你可以去食飯去洗手間）就是如此；你要連續「齋坐三日」！至於師傅是否錄用你就好重視你往後一個星期的表現。至於為甚麼？？原因是大部份人「坐完三日」後往後個七日都會有不同的「反應」，而這七日期間師傅會跟你通電「觀察」你的情況。

何謂「反應」？何謂「觀察」？因為大部份人都會出現無故嘔吐、發燒、有惡夢、暈眩或大病等等無法解釋的徵狀....故此；師傅都定必需要知道你「過後反應」....師傅以合@為你是否具備「錄用條件」！當你「坐三日」後有以上任何一種「反應」；均表示你陽氣不足、正氣少、殺氣低，受唔起陰氣及靈氣磁場。即使你再有「膽大包天」都只是徒然！因為「過後反應」正正代表你生辰八字、五行是否能夠承受過多陰氣及靈氣磁場....故此跟「睇相」並無關係！！

若果「坐三日」都依然食得、訓得、冇唔妥，則恭喜你！！....殯儀行業等緊你！當正式被師傅收為徒後；基本上並無特別儀式或要求，衹需謹記師傅所提及既行規及禁忌便可。而由學徒做起到升任至資深化妝；為期至少需三至五年不等。

起初師傅會將一般由醫院病逝而又完整無缺之屍體；在你面前「打理一番」；期間師傅會邊做邊講解.....之餘亦會同先人傾偈......

起初你只會行行企企、執下手尾、看師傅台戲、記化妝品用途種類、次序....通常師傅俾你睇得有七、八件咸魚後.....大約第十件至會俾你弄「他」！！然而；你起初的「對象」都係企企理理、無穿無爛（即醫院病死者）較為Easy-Job！而其他「大製作」則會由師傅「表演」....（大製作=死於跳海、跳樓、火燒、甩皮甩骨無樣好........）

有新人（死者）到首先要打針（防腐劑）；然後入櫃（雪櫃）！！通常先人會於起程（出殯）前兩日移至另一凍的房解凍。要同佢地沖涼、化妝、穿壽衣.....最重要一環係按家屬意思去辦！！！

沖涼後.....裝身.....

先將大量浸滿漂白水之綿球；搗塞於人體每一個有孔位置！（作用以防血水倒流！）

穿壽衣；必需要由腳開始著上去，即襪、鞋、褲＼裙、上衣........如此類推。先人壽衣由下而上穿上乃取其寓意先人會升上天免落地獄！

先人化妝品、用品、配件...通通定必為頂級品牌！例如；"Maxfactor"、"露華濃"...."資生堂"...."SK-II"....."Chanel".....等等。用「名牌」原因是基於特別上妝、持久、減低屍班色。亦作為對死者一種尊重吧！

P.S.為先人上妝要切記手穩定，因為上妝後要修改就很困難。除了上妝無得修改，入行後亦唔可以再返轉頭，做回活人化妝師。

king sir....*o*"

teddywong
少校級會員

Hong Kong

Posts 669