1.家長要求為預備入學之小童做體檢! (原來而家D細路讀書要咁多野o架？)
2.驗孕？ (十居其九係賓、印傭，指定星期日o黎搵你)
3.姑娘 : "見咩唔舒服？"
女 : "個心唔舒服."
姑娘 : "點唔舒服法呢？"
女 :"我呢...三年前o黎做過手術o既，最近覺得個傷口埋得唔靚......"
(嘿∼∼咁你想點呢o下？)
4.一名成褲浪 - (即係o者o者位) - 都係血o既男子o黎求醫
姑娘 : "你點整到o架?"
男 :"無呀,佢沖沖下涼突然無啦啦猛流血喎，咪o黎睇囉."
(嘩∼點信你呀，先生？)
5.一名身穿超人套裝(無錯係全套，連塊紅色抖蓬都有埋)成條右前臂
(包陷埋隻手掌)打哂石膏o既外籍男子求醫
結果三十分鐘後個男人石膏拆o左隻手乜事都無咁走o左
原因：成班朋友係酒店開化妝party，飲醉訓著o左,
佢一名頑皮o既醫生朋友同佢開o左一個好大o既玩笑 -
將隻"o麥"杯放係佢手上紮住，然後同佢打石膏，
包實哂佢成隻手之後走o左去．．．
(呢個真係笑死當場，連D姑娘都要一路忍笑一路同佢做野)
6.一名戇十九looko既師奶拖住一件跳跳紮精神奕奕o既細路
(時為半夜兩點半)
姑娘 : "小朋友見咩事唔舒服?"
老母 : "佢話腳板底痕，勁痕痕到訓唔到覺喎．．．"
(x^#%^&$%yz&^*u*%*#...........)
7.又係一名戇十九looko既師奶拖住一件無o黎神氣o既細路
(同樣又係半夜時份)
姑娘 : "小朋友見咩事唔舒服?"
老母 :"佢成晚話唔舒服，check過又唔係發燒又唔係盛，
問佢有無邊度痛佢又講唔出，我擔心佢咪同佢o黎囉.
"結果姑娘check過亦認為佢一切正常∼跟手個姑娘諗o左一諗，
然後問 :"小朋友，你聽日係咪要考試呀？"
小朋友 : "......係呀.......你點知o既.......?"
老母當場發爛 : "你個xx仔！x$%yz*^&^t%*#......"(下刪五百字)
(哈哈哈哈∼∼∼∼∼細路，有前途呀你！！^^)
8.再o黎一名戇十九look o既師奶拖住一件約兩三歲o既男童
姑娘 : "小朋友見咩事唔舒服?"
老母 :"無呀，見佢呢排痾尿成日搵隻手係條ｊｊ度拉拉下咁，
初初以為佢痛啦，問佢又話無野喎,後尾睇下佢果度，
原來包住果塊皮一路都係咁長，同佢老豆果度都唔同o既...."
姑娘(聽到不明所以) :
"你意思......你係話佢包皮過長係咪呀?呢D唔係病o黎o架喎，
如果真係過長要做D小手術割o左佢o架."
老母 :"係咩??!?!?(貌甚驚訝狀)乜唔係大大下會自己縮番入去(?!)，
突番個頭出o黎o既咩?!?!?!?????"
(其實仲有兩三句下文，大約係個姑娘教訓個老母唔好濫用急症室
同埋咁大個人理應有多少基本o既性知識之類...
不過我講唔落去o勒...我一路坐係隔離聽住，笑X死！！
哈哈哈哈哈哈哈哈.........！！)
9.一名腹部微隆o既婦人o黎求診∼自稱近期持續肚痛
姑娘 : "分唔分到係攪肚痛定係女人果D野痛呀?"
婦人 : "我唔知呀.......總之唔係想去廁所果D痛囉."
姑娘 : "唔係o卦......你三十幾歲人都分唔到呢D野呀?"
(有點氣結)咁你對上一次o黎果D野係幾時呀?"
婦人 : "咩野果D野呀????"
姑娘(眉頭再次一鎖) : "對上一次月經呀!"
婦人 : "哦!!四五個月前左右啦!!"
姑娘大驚 : "o下?!?! 你係唔係有o左呀?有無去睇過產前呀?"
婦人 : "我唔知呀......無o黎咪唔理佢囉，我以為自己肥o左咋......."
(邊講仲邊作尷尬狀，好鬼唔好意思咁笑住講,女人喎.......
原來咁都得o既....嘿！服....)
10.咪等大家以為淨係女人先有咁多攪笑野＊
某早上一名七十六歲(記得太清楚啦)o既亞伯o黎求診
姑娘 : "亞伯見咩事唔舒服?"
亞伯 : "無∼見下邊唔多聽駛咁囉."
姑娘(毫無心邪想當然咁問):
"係咪見痾尿窒下窒下咁呀?有無睇開泌尿科呀亞伯?"
亞伯 : "泌尿科有睇開，o岩先覆診完o黎之嘛，我唔係話呢樣."
姑娘(開始唔明) : "咁亞伯你今日即係乜事o黎睇呀?"
亞伯 : "呢,即係見佢好似唔多用得咁...呢,不舉果D囉......."
姑娘先大為驚訝繼而強忍爆笑再問:
"亞伯你.....七十幾歲o架啦喎......咁你呢樣野....幾耐倒呀?"
亞伯(仲未知衰) : "哦∼！咁都好一排囉，兩三年左右啦(指不舉)."
姑娘(繼續極力忍笑):
"亞伯你....呢D咁好正常o架喎，同埋急症無呢D野睇o架，o拿!
不如你下次去覆診同泌尿科醫生講埋啦......"
(己經忍笑忍到講唔落去)
亞伯 : "咁呀？！無呢D睇o架？咁算囉，我唔睇啦，你同我取消o左佢啦，
我唔睇啦咁"(然後施施然由門口離開....)
當確定亞伯肯定係去o左之後，
當時在場o既六七個人(兩三個護士，兩三個護理助理同亞嬸，加埋我)
一齊失控爆笑o左出o黎..........哈哈哈哈哈哈！！！！！！
|
|
十大離奇、爆笑之香港急症室求診理由!!
Posted - 30.04.2005 : 06:03:00
