(轉載自新聞組)
估都估唔到咁多方式，各位切記要小心啊！
1.你偷左野?
今早我在收音機裡的"爸爸早晨"聽到一位聽眾來電:
"李太行經旺角中心商場門口時，突有一位11歲小妹妹拍她肩膀，妹妹說：你偷左野!
跟住有兩位帶有大陸鄉音既 "師奶" 走來說：妳偷左野，不如比個袋我搜，李太當時
因為事出突然未有防範，李太為求清白，就毫不考慮俾個袋佢搜，班大陸人仲用左"非
常熟練"既手法，係咁搜...係咁搜... 好彩李太手袋沒有貴重物，只發現放銀包
位置的暗格拉鍊打開過，不過就無唔見錢 ...但李太回家後就比屋企人責罵一頓 ...
我想呼籲大家，現在因有太多自由行，很多人來港消費（當然係要搵錢先至有得消費
喇！） 佢地利用層出不窮手法，希望各位出街要提高警覺，有咩野事第一時間 "報
警" 及高聲說話引起他人注意去廁所一定要小心
2.廁所遇劫
我隊BAND個BASS佬前兩個禮拜去尖咀小熊國個廁所方便,一開門見到一個大陸仔老笠緊
一個西裝友！佢下意識大喝一聲！即刻走多兩條大陸仔同胞出o黎！一手推埋佢入去！
口同佢講話 "唔使驚" ！！
另一隻手就用茶餐廳0的餐刀係咁 "桶" 我個FRIEND個心口，我個FRIEND係咁掙扎，
佢地之後好似一0的都唔驚咁斯斯然離開，我個FRIEND之後入醫院隻手聯0左47針，
斷0左兩條神經線！（好彩都重彈到BASS），心口左上角0的肉一岩一忽，醫生話好彩隻手
比隻錶擋一擋，心口岩岩中骨無傷內臟!!情況唔算嚴重，差佬同佢落口供都話已經
捉過廿幾三十個以自由行名義呢香港搵食0既大陸同胞!!而尖咀同旺角為黑點，自由行
0既好處大家都知亦好似好好咁！但香港0既治安亦可能慢慢變壞！
大家自己一個人時可能要小心0的！由其是去廁所方便！真人真事！大家一定要小心！
3.當街打劫
有時我地係 ATM 拿錢之後就轉身先至將 D 錢放入手袋，不來非常危險 .... 我有個
FRIEND 就係剛剛在 ATM 取得 $2,000 ... 因為人多排隊 ... 所以拎住 D 錢行開先
至放入個銀包內 ... 點之突然有人一手搶佢手上D 錢，... 結果比佢搶到 $500 ...
其餘 D 錢跌曬落地下.....
大家以後唔好理人唔人多排隊拿錢，一於將 D 錢放入銀包先至好行開。
又有一個FRIEND 佢傾緊手提電話, 因為兩隻手拿住野，就用個肩頭夾住個電話聽 ...
點之一手就比人搶左，後來佢個 FRIEND（同佢傾緊電話個果）話佢之 ... 一個人同佢講
叫佢收線... 因為個電話已經比佢搶左....你話幾過份呀....
4.聲東擊西
真係福無重至.....近日有個FRIEND 佢又係打開銀包（在街上買東西）打算比錢時
... 一隻手突然伸出來搶佢銀包，佢都未定神時，只見有幾張信用咭跌落地下，佢第
一時間就梗係唔理得個銀包，取回 D 信用咭先啦 .... 點之在地下的信用咭原來唔係
佢的 ...... 而個銀包當然就無左啦 ..... 好彩D信用咭無比人用過 ... 不幸中之大幸也 ....
都係個句 ..... 大家以後小心D ....
|
|
各位切記要小心！！
Posted - 20.11.2003 : 10:17:53
