麥 玲 玲 profile
近年人氣急升玄學家，曾經被邀為TVB〈 玄 來 如 此 、玄妙無窮 〉節目主持，精通手、面相、子平八字、風水，尤其擅長推算愛情，曾替《 蘋果日報 》、《 快週刊 》寫風水專欄，更曾出版《 緣來有理 》、《 踏上青雲路 》、《 羊年運程 》及《 猴年運程 》等。
猴 小人成棚
肖猴愛情觀：絕頂聰明、幽默、多橋，所以勁多人主動佢！同佢一齊會好開心，不過屬猴者好易貪新忘舊，要好好學下珍惜對方，咪只顧自己！
超夾honey ：肖鼠、肖龍、肖蛇
代表人物：謝霆鋒
猴年愛情運 ： 被人唱散「伏屍」凶星代表溝通有問題，而且有「指背」， 拍緊拖易被人唱散，加上對方會對你樣樣都不滿，感情危危乎！想拍拖似乎 冇乜機，不如埋心水匿屋企！
桃花特旺月：2004年1月
猴年事業及財運：財來財去
[藏駕]星代表事業有表現機會，加薪就要睇環境因素！亦有換車可能，不過以安全為上，因有被金屬所傷可能，另「指背」令人際運差，切勿得罪上司，免影響唔錯事業運。錢可搵到但好大使，勸你刻意儲下錢啦！
財運特旺月：新曆3月、4月、7月、11月
耗財月：新曆6月
雞 玩硬一夜情
肖雞愛情觀：肖雞人性格多樣化，潮流觸覺敏銳，打扮夠in，男性更喜歡自 己有好多異性朋友，雖然俾人印象較花弗，實際上，若佢認真愛上對方，卻會義 無反顧地追求，係熱情感情類型。
超夾honey：肖蛇、肖牛、肖龍
代表人物：Yumiko
猴年愛情運：工作地方多桃花
2004年有「 咸池 」星，係十二生肖中桃花運最旺。不過係短暫桃花，冇拖拍 搵到穩定lover機會唔高，女比男更旺。若上司為男性，更可享其助；已有拖友或已婚者小心桃花太勁受三角關係困擾，不過想玩one night stand就超多機會送上門，玩唔玩得起就睇你自己！
桃花特旺月：新曆3月、10月、11月、12月
猴年事業及財運：升職加薪
2004年因有「唐符」星入主，代表地位，權力上升，尤其從事管理層、紀律部隊均有機值升職而加薪。因有「天空」、「晦氣」凶星，表示閣下身邊有小人，咪得意忘形與同事增加溝通，保持和諧氣氛對你更有利。
今年財運來自正職，偏財運弱，一切投機、投資要用保守態度處理。另外應酬多，量入為出啦！新曆9月咪借錢俾人，容易一借無回頭。
財運特旺月：新曆2月、12月
耗財月：新曆5月、2005年1月
狗 勁得罪人
肖狗愛情觀：性格幽默受人歡迎，仔／女好易，對感情認真，不過又追求完美，有時太執，變成多煩惱。佢最好一樣專一認真，耐唔耐花心思送禮物仔俾佢就掂！
超夾honey：肖虎、肖馬、肖鼠
代表人物：Tiffany
猴年愛情運：分手危機
今年因有「月煞」凶星，會有女性帶麻煩，有拍拖咪信閒話先可保持穩定，咪同honey大吵，否則分分鐘分手！冇拖友今年原地踏步，因為冇桃花吉星照住，都係俾心機做啦！
桃花特旺月：新曆12月
猴年事業及財運：咪借錢俾女人
今年因有「豹尾」「天哭」好易得罪上司，乖乖做咪出聲反而有更多安全。財 運只靠正職，有「國印」吉星照，有進步被賞識機會，橫財欠奉！另外咪做女性朋友、親戚擔保人、借錢，否則煩死！
財運特旺月：新曆8月
耗財月：新曆5月、2005年1月
豬 女人打救你
肖豬愛情觀：對人寬厚、溫柔、易得人信任，唔識向人表達愛意，鍾意暗戀。 鍾意佢你要主動佢，聽佢傾訴心事係必殺技。
超夾honey：肖兔、肖羊、肖鼠
代表人物：Stephy
猴年愛情運：豬女勁孤獨由於有「太陰」星，今年豬仔會工作地方到女，而豬女則桃花麻麻，有拖拍都會覺得孤單，要多搵friend陪下。冇拖拍好難突破現狀。
桃花特旺月：新曆9月
猴年事業及財運：做美容勁旺今年有「太陰」星照，如果上司係女，工作有助力，從事有關女性行業亦有利，如美容或珠寶等以女客戶為主行業。另外有「 孤辰」，會被人孤立，主動同同事打成一片有助化解。財運麻麻，朋友會因財失義，做生意更因法律問題破財，小心為上。
財運特旺月：新曆6月、2005年1月
耗財月：新曆8月
鼠 簽約死硬
肖鼠愛情觀：肖鼠人善良、多才多藝，無論男女性格都溫柔，更鍾意花心思另 一半，最重要係佢好鬼專一，不過有時為生活小事煩死對方，同佢一齊最好事事無計！
超夾honey：肖猴、肖龍、肖豬
代表人物：鄭秀文
猴年愛情運：同拖友簽約易惹官非
今年有孤虛星，代表愛情方面成日有孤單感覺，冇拖拍有機拍散拖，但搵真愛機會就幾微；拍緊拖成日疑神疑鬼，雖然唔會分手，不過大或小吵好難避免，另有「官符」星，記緊咪同lover簽任何合約，如買樓、合作做生意，極易惹官非兼傷感情。
桃花特旺月：新曆3月、7月、8月、9月
猴年事業及財運：係時候轉工、升職今年財運、事業運整體唔錯，有「三台」「將星」，做文職有機升職，轉工亦有機，而且轉後有好發展，應該把握！
財運比之前兩年好，不過都係來自正財，偏財有少少，賭博只宜小注；但因易惹官非導致破財。記得咪同人吵到上差館！
財運特旺月：新曆3月、11月
耗財月：新曆4月
牛 貴人勁照
肖牛愛情觀：人如其「肖」，工作勤力似隻牛，冇乜幽默感、唔多識交際，鍾 意人都好少主動，不過一但埋牙會對你極專一，而且會為兩人未來努力，搵佢做結婚對象幾好！
超夾honey：肖蛇、肖雞、肖鼠
代表人物：劉德華
猴年愛情運：遇硬真命天子
今年有「天喜」星，代表喜事多，拍緊拖有機結婚，已婚就有機生BB，單身人勁多節目等你去，更可能朋友wedding party識到真命天子，記緊扮到鬼火咁靚至好到場。
桃花特旺月：新曆5月、10月、12月
猴年事業及財運：逢凶化吉今年有「月德」呢粒貴人星照住，令你人際關係勁好，老闆同你亦friend，加埋「玉堂」星令你做有發揮，記住趁機表現自己多分。 不過亦有「小耗」，代表你會破小財，加埋「死符、扳鞍」代表有病及遇意外可能，勸你買定醫療保險，以免因病破財！
財運特旺月：新曆9月、11月
耗財月：新曆2月、4月、5月
虎 奔波勞碌
肖虎愛情觀： 屬虎人熱情貪玩，而且異性緣好鬼好，鍾意人會好主動，不過做settle down決定就會好，記得遇到件咪優柔寡斷，對方走就冇回頭！
超夾honey：肖馬、肖狗、肖豬
代表人物：陳奕迅
猴年愛情運：旅行有糊叫
有「驛馬」星，單身人去旅行極有機新仔／女；已有拖拍，幾忙都要同honey 去旅行，事關閣下太歲相沖，情緒不穩，易同honey吵，去旅行可以化解，如因工幹聚少離多，反而更好！
桃花特旺月：新曆7月
猴年事業及財運：會破大財
因有「大耗」又沖太歲，再加「驛馬」會奔波勞碌，會有可能破大財，雖然有代表事業進步「祿勛」，即有機加薪，但都要積極主動先掂！不過都抵唔到數，建議你多轉變如搬屋、旅行，你計劃下使錢，好過意外破財！
財運特旺月：新曆4月、12月
耗財月：新曆2月
兔 成年甜蜜蜜
肖兔愛情觀：用細膽、溫馴、不好動形容佢最！拍拖佢鍾意二人世界、行沙灘，不過極易見異思遷，想食住佢最好樣靚兼有料，重要成熟，佢自然唔捨得走！
超夾honey：肖豬、肖羊、肖兔
代表人物：徐若瑄
猴年愛情運：辦公室有落
拍緊拖會日日sweet sweet，不過記得留番空間，否則弄巧反拙！冇拖拍有勁多機會新仔／女，而且會office或係同事介紹，把握機會！
桃花特旺月：新曆5月、12月
猴年事業及財運：跳槽係時候
有「紫微」、「龍德」大貴人星，工作上有勢力人士提攜，轉工亦掂，新環境、薪酬都會更好，放膽一試！財運只限正財，橫財？Sorry！
財運特旺月：新曆8月、2005年1月
耗財月：新曆2月、10月
龍 進修有桃花
肖龍愛情觀：吸引力勁，朋友又多，聰明醒目，會對100％信任佢而且溫柔人投降！佢最怕人管束，想佢要有才華、有氣質。
超夾honey：肖鼠、肖猴、肖蛇
代表人物：梁詠琪
猴年愛情運：小心火爆「白虎」女拍緊拖感情OK，因有「華蓋」星，冇拖拍只要進修，會班內到新仔／女，不過龍仔小心今年識女都會受「白虎」影響，火 爆、任性，頂得順就冇問題！
桃花特旺月：新曆12月、2005年1月
猴年事業及財運：Sales收入增加由於喜星「華蓋」主藝術，從事呢行有機會受眾人肯定，但亦有「飛簾」即有是非，咪得意忘形乞人憎，做sales反而有利，會增加業績，正財收入增加，橫財就冇乜進賬！
財運特旺月：新曆3月
耗財月：新曆5月、7月
蛇 猴年大贏家
肖蛇愛情觀：才智過人、細心、有計劃，而且識打扮，有浪漫思想，鍾意人會觀察一排先出聲，桃花運好，佢要對佢包容同永久支持就掂！
超夾honey：肖牛、肖雞、肖龍
代表人物：劉嘉玲
猴年愛情運：會有第三者
今年有「福星」，代表會開心，「天德」代表人緣，冇拖拍要主動出擊，拍緊拖感情好，但會有第3者引誘你，破壞現有感情，小心handle！受「披頭」影響，蛇女咪亂搞新look，否則一致劣評！
桃花特旺月：新曆9月、2005年1月
猴年事業及財運：正財、橫財有進賬有「天德」、「福星」代表事業更上一層，尤其係要考試職業如會計、律師等，成功機會大。另外由於人緣好，會有 額外舒服秘撈，都算入偏財一族。
財運特旺月：新曆6月
耗財月：新曆11月
馬 黑過墨斗
肖馬愛情觀：對感情一撻即著，換畫頻密，冇耐性不過行動敏捷，但重感情， 要同佢keep長久relationship就要同佢一樣轉數快至掂！
超夾honey：肖虎、肖狗、肖羊
代表人物：黎明
猴年愛情運：水盡鵝飛
今年冇吉星，只有「天狗」、「吊客」、「災煞」及「空乏」等凶星。冇拖拍都係埋心水，拍拖者對方會有小意外嚇你一跳，但冇大礙。工作辛苦會令感情 轉差，忍下啦老友！
桃花特旺月：新曆3月
猴年事業及財運：千祈咪賭
有正職者收入平穩，橫財咪旨意！千祈咪賭，減少破財。可能有疾病、意外令你破財，當擋災啦！保持多做事、少說話就可平安度過。
財運特旺月：新曆9月
耗財月：新曆4月
羊 紅鸞星動
肖羊愛情觀：有內涵、智慧、感情強烈，對愛情、友情、親情都強烈，重家庭，結婚會天長地久。但頗為難追，佢預每天愛佢多一些，逐少打動，陪伴最work！
超夾honey：肖兔、肖豬、肖馬
代表人物：周杰倫
猴年愛情運：隨時被
今年有「紅鶯」大桃花星，拍拖可於今年拉埋天窗，無拖友會有極多人主動你，唾手可得，要揀了解你至係上策！
桃花特旺月：全年！
猴年事業及財運：中橫財
事業有「天乙」貴人星，亦有「陌越」吉星，不妨考慮轉工、調部門，更有發 展。由於貴人助力大，可能因朋友俾貼士中正橫財、買股票，把握機會搵easy money啦！
財運特旺月：新曆6月、11月
耗財月：新曆4月
http://acewallpapers.com/clipart/animals/0257.gif
恭祝各位猴年行大運,女士們青春美麗,男士們事業有成,人人財源廣進,身體健康,笑口常開!!
|
|
猴 年 運 程 by 麥 玲 玲
Posted - 23.01.2004 : 15:39:36
